Gujju Gujarati We provide gujjuness in gujarati
સુગંધિત લીલા ફુદીનાના પાન ચટણી અને પકોડી ખાવાની કોને નથી ગમતું… આવે છે ને મોં પાણી! ફુદીનાના પાનનો ઉપયોગ તેની ચટણી, રાયતા, પકોડી અથવા કોઈપણ પીણાના સ્વાદને વધારવા માટે થાય છે. ખોરાકનો સ્વાદ વધારવાની સાથે પાચનમાં સુધારો કરે છે. આવો, અહીં જાણો, ચટણી અથવા અન્ય કોઈ પણ રૂપમાં ફુદીનો ખાવાથી આપણા શરીરમાં કયા ફાયદા થાય છે …ફુદીનો ગુણોની ખાણ છે સામાન્ય દેખાતો આ છોડ પોતાના માં જ ખુબ શક્તિશાળી અને ચમત્કારી પ્રભાવ રાખે છે. ઉનાળામાં ફુદીનાની ચટણી ખાવી પણ આરોગ્ય માટે ખુબ લાભકારી છે. ફુદીનો ઔષધિય ગુણોની સાથે-સાથે તમારા ચહેરાનું સૌન્દર્ય નિખારવા માટે પણ ખુબ લાભદાયક છે, તેના સિવાય ફુદીનો એક ખુબ સારી એન્ટી બાયોટિક દવા પણ છે.
ફુદીનાના ફાયદા: ફૂદીનામાં ફાયબર હોય છે અને તેમાં રહેલા ફાયબર તમારા કોલેસ્ટેરોલનું લેવલ ને ઓછુ કરવામાં મદદ કરે છે, અને તેમાં રહેલ મેગ્નેશિયમ તમારા હાડકાને શક્તિ આપે છે, અને તેને મજબુત બનાવે છે. કોઈ વ્યક્તિને ઉલટી થાય ત્યારે ૨ ચમચી ફુદીનો દર ૨ કલાકમાં તે દર્દીને પીવડાવો તેનાથી ગભરામણ અને ઉલટી જેવી બીમારીમાં ખુબ જલ્દી રાહત મળે છે, જો તમે પેટને લગતી અને અન્ય બીમારીઓ છે તો ફુદીનાના પાંદડા ને તાજા લીંબુના રસ અને તેના જેટલા જ પ્રમાણ માં મધ લઈને તેની સાથે ભેળવીને લેવાથી પેટની લગભગ બધી બીમારીઓમાં જલ્દી રાહત મળે છે.સુગંધિત અને સ્વાદિષ્ટ ફુદીનાના પાન આપણી યાદશક્તિ વધારવાનું કામ કરે છે. ફુદીનામાં રહેલા સક્રિય ઘટકો આપણા મગજના સંજ્ઞાત્મક કાર્યમાં વધારો કરે છે.આ આપણી આસપાસ થતી દરેક પ્રવૃત્તિઓ વિશે આપણી માનસિક અને શારીરિક જાગૃતતા વધારે છે. જે લોકો નિયમિત રૂપે કોઈ રીતે અથવા તો બીજામાં ફુદીનાનું સેવન કરે છે તે આવું ન કરનારાઓની તુલનામાં વધારે ક્રિયાશીલ અને તરક એક્શન લેનારા હોય છે આપણા શરીરમાં મોટાભાગના રોગો કોઇને કોઇ રીતે આપણા લિવર સાથે અવશ્ય જોડાયેલી હોય છે. કારણ કે લીવર એ આપણી પાચક શક્તિનો સૌથી મહત્વપૂર્ણ ભાગ છે. ઉપરાંત, જરૂરી એનર્જા આખા શરીરમાં પહોંચાડવાની પણ જવાબદારી છે.
-જો લીવરની કામ કરવાની ગતિ ધીમી હોય, તો તમારી કામ કરવાની ઝડપ આપમેળે ઓછી થાય છે. એટલે કે, જો તમારે જાતે એક્ટિવ રહેવું હોય તો તમારે તમારા લીવરને એક્ટિવ બનાવવું પડશે. આ માટે, તમે નિયમિતપણે ફુદીનાના પાનનો ઉપયોગ કરો છો.જે દિવસે તમે કોઈપણ વાનગીમાં ફુદીનાના પાનનો ઉપયોગ કરવામાં અસમર્થ છો તે દિવસે, ફુદીનાના 4 થી 5 પાંદડા ખાઓ અને એક ચપટી કાળા મીઠા સાથે ધીમેથી ચાવવું. તમારા લીવરમાં નવી ઉર્જા મળશે.પુદીનો એ પ્રાકૃતિક પેઇન કિલર છે. તેથી જ ફુદીનાના અર્કનો ઉપયોગ ઘણી પીડા મુક્ત કરાવતી દવાઓની તૈયારીમાં થાય છે. હકીકતમાં, ફુદીનાના અર્કમાં કુદરતી રીતે શરીરને ઠંડક આપવાની ગુણધર્મો હોય છે, જે શરીરમાં જાય છે અને પીડાને દૂર કરે છે તે રીતે ખરાબ વાયુને શાતં કરે છે અને દુખાવાથી રાહત અપાવે છે સ્વાદિષ્ટ ફુદીનો રોગ પ્રતિકારક શક્તિ વધારવાનું કામ પણ કરે છે. તે પાચક શક્તિને શુદ્ધ કરે છે અને હાનિકારક બેક્ટેરિયાને મારી નાખે છે. ક્ષતિગ્રસ્ત કોષોને સુધારવામાં મદદ કરે છે.કારણકે ફુદીનામાં ફોસ્ફરસ, કેલ્શિયમ, વિટામિન બી, સી અને ડી જેવા જરૂરી તત્વો હોય છે. આ પોષક તત્વો આપણા શરીરમાં બળતરા ઘટાડવા તેમજ આપણા શરીરમાં લોહીનો પ્રવાહ વધારવામાં મદદગાર છે.
ફુદીનાના ફાયદા શરદી ખાંસી માં: શરદી ખાંસી અથવા જૂની શરદી હોય તેના માટે તમે થોડો ફુદીનાનો રસ લો અને તેમાં મરી અને થોડું સંચળ મેળવી લો અને જે રીતે આપણે ચા પીએ છીએ બસ તે જ રીતે આને ચાની જેમ ઉકાળીને પીવાથી શરદી ખાંસી અને તાવ માં ખુબ જલ્દી રાહત થઇ જાય છે, જો કોઈને ખુબ વધું હેડકી આવી રહી હોય તો તેના માટે તાજા ફુદીનાના કેટલાક પાંદડા ચાવવાથી દર્દીને તરત હેડકી બંધ થઇ જાય છેમાસિક બરાબર અને સમય પર ના આવે ત્યારે તમે ફુદીનાના સુકા પાંદડાનું ચૂર્ણ બનાવી લો અને આ ચૂર્ણ ને દિવસ માં બે વાર મધની સાથે ભેળવીને નિયમિત રૂપથી થોડા દિવસ લેવાથી માસિક બરાબર આવે છે અને સમય પર આવવા લાગે છે.ફુદીનાનો ઉપયોગ: જો કોઈને વાગી જાય અથવા પછી ઘસાઈ જાય તો તે સ્થાન પર કેટલાક ફુદીનાના તાજા પાંદડા લઈને તેને વાટીને લગાવવાથી ઘા જલ્દી ભરાઈ જાય છે. અને જો તમને કોઈ પણ પ્રકાર ના દાદર, ખંજવાળ, અથવા બીજા અન્ય પ્રકારના કોઈ ચામડીના રોગ હોય તો તમે તાજા ફુદીનાના પાંદડાને સરખી રીતે વાટી લો અને આ લેપને પ્રભાવિત ત્વચા પર લગાવો આનાથી ખુબ જલ્દી આરામ મળે છે.
મોઢાની દુર્ગંધમાં ફુદીનાનો ફાયદો: જો તમારા મોઢામાંથી દુર્ગંધ આવતી હોય તો તેના માટે તમે બજારમાંથી ફુદીનાના પાંદડા લઇ આવો અને તેને છાયડામાં સારી રીતે સુકવી લો, અને પછી આ સુકા પાંદડા નું સરખી રીતે ચૂર્ણ બનાવી લો અને તમે આનાથી મંજન ની રીતે ઉપયોગ કરો આમ કરવાથી તમારા પેઢાં સ્વસ્થ થશે અને તમારા મોઢામાંથી દુર્ગંધ આવવાનું બિલકુલ બંધ થઇ જશે. આ પ્રયોગને ઓછામાં ઓછા ૨ અઠવાડિયા અથવા વધુમાં વધુ ૧ મહિના સુધી કરી શકો છો.ગળાના રોગોમાં ફુદીનાના રસને મીઠાંના પાણીની સાથે ભેળવીને કોગળા કરવાથી તમારો અવાજ પણ સાફ થાય છે અને જો ગાળામાં ભારેપણું અથવા ગળું બેસી જવાની ફરિયાદ હોય તો તે પણ આનાથી દુર થઇ જાય છે.
ફુદીનાના ફાયદા ધોમધકતી ગરમીમાં: ગરમીના કારણે ગભરામણ થાય ત્યારે અથવા જીવ બેચેન થાય ત્યારે એક ચમચી સુકા ફુદીનાના પાંદડા અને અડધી નાની ચમચી ઈલાયચી નું ચૂર્ણ એક ગ્લાસ પાણીમાં ઉકાળીને ઠંડુ થયા બાદ પીવાથી ખુબ જલ્દી આરામ મળે છે અને સાથે જ કોલેરા થવાની ફરિયાદ હોય તો ડુંગળીનો રસ અને લીંબુનો રસ ફુદીનાની સાથે સરખા પ્રમાણમાં ભેળવીને પીવાથી ખુબ જલ્દી આરામ મળે છે.સૌન્દર્ય માટે ફુદીનાનો ઉપયોગ કેવી રીતે કરવો: ફુદીનાના રસને મુલતાની માટીની સાથે ભેળવીને તમારા ચહેરા પર લેપ કરવાથી તમારી ઓઈલી ત્વચા સરખી થઇ જાય છે અને ચહેરા પરથી કરચલીઓ ઓછી થઇ જાય છે તેના સિવાય તેને લગાવવાથી તમારા ચહેરાની ચમક વધી જાય છે.
તૈલીય ત્વચા માટે ફુદીનાનું ફેશિયલ: જો તમારી ત્વચા તૈલીય હોય તો તમારા માટે ફુદીનામાથી બનેલું ફેશિયલ ઘણું સારું રહેશે. તેના માટે તમે બે મોટી ચમચી સારી રીતે વાટેલા ફુદીનાના પાંદડા બે ચમચી દહીં અને એક મોટી ચમચી ઓટમીલ આ બધાને ભેળવીને એક લેપ બનાવી લો અને આ લેપને તમારા ચહેરા પર ૧૫ મિનીટ સુધી લગાવીને રાખો, ત્યારબાદ તમારા ચહેરા ને ઠંડા પાણીથી ધોઈ લો અઠવાડિયામાં ઓછામાં ઓછો બે વાર આ પ્રયોગ કરવાથી તમારી તૈલીય ત્વચા સરખી થઇ જાય છે, સાથે જ તમારા ચહેરા પરથી ખીલ અને કરચલીઓ દુર થાય છે.
